Padpał budynka DAI ŭ Mazyry kvalifikavany jak akt teraryzmu, paviedamiŭ načalnik adździeła śledčaha ŭpraŭleńnia KDB Kanstancin Byčak, pieradaje BiełTA.
«Hetyja dziejańni kvalifikavanyja pa č. 1 art. 289 Kryminalnaha kodeksa — akt teraryzmu», — adznačyŭ Kanstancin Byčak.
Siońnia kala 3:30 u Mazyry nieviadomy mužčyna padyšoŭ z tylnaha boku da administracyjnaha budynka DAI Mazyrskaha RAUS, raźbiŭ akno na pieršym paviersie i kinuŭ unutr pamiaškańnia butelku z vadkaściu, što lohka ŭspychvaje. Adbyłosia ŭzharańnie. Paciarpiełych niama.
U vyniku pažaru ŭ kabiniecie, dzie mieścicca dobraachvotnaja narodnaja družyna, paškodžany ścieny, padłoha, padakońnik i ofisnaja technika. Z vonkavaha boku budynka na ścianie pad pabitym aknom farbaj napisali «Adpłata!».
