Źjaviŭsia list, nakiravany daktaram staličnych paliklinik ab spynieńni ad siońnia, 28 kastryčnika, płanavaj špitalizacyi ŭ haradskija balnicy.
«Z 28 kastryčnika spyniajecca płanavaja špitalizacyja pacyjentaŭ u haradskija kliničnyja balnicy. Zahad kamiteta pa achovie zdaroŭja Minharvykankama ab spynieńni płanavaj špitalizacyi budzie nakiravany va ŭstanovy 28 kastryčnika», — havorycca ŭ liście.
Paźniej Minzdaroŭja ŭ svaim telehram-kanale sa spasyłkaj na pieršaha namieśnika staršyni Kamiteta pa achovie zdaroŭja Minharvykankama Dźmitryja Čaradničenku ŭdakładniŭ:
«My nie spyniajem płanavuju dapamohu dziciačamu nasielnictvu. Taksama praciahniecca akazańnie płanavaj traŭmatałahičnaj, hiniekałahičnaj, aftalmałahičnaj i ankałahičnaj dapamohi. Pa hetych napramkach budzie akazvacca płanavaja dapamoha ŭ tym paradku, u jakim i akazvałasia ŭ niezadziejničanych pad koronavirus balnicach abo adździaleńniach.
U stalicy prypyniajuć płanavuju dapamohu dla ludziej z chraničnaj kardyjapatałohijaj. Taksama časova pierastanuć akazvać płanavuju chirurhičnuju i hastraenterałahičnuju dapamohu.