Troje z čaćviarych aŭtaraŭ zvarotu suprać hvałtu i biezzakońnia z Horak zatrymanyja.
U IČU apynulisia Valancin Bas, Valeryj Pasikaŭ i Alaksandr Kasucha. Sud nad imi moža adbycca ŭžo ŭ sieradu. Pry hetym, u čym ich abvinavačvajuć, pravaabaroncam nieviadoma, paviedamlaje Horki.info.
Napiaredadni čaćviora supracoŭnikaŭ Horackich ačyščalnych zbudavańniaŭ Mahiloŭskaha Harvodakanała zapisali videa, u jakim asudzili hvałt u dačynieńni da mirnych hramadzian i samavolstva siłavych struktur. Jany vykazalisia suprać pahroz, jakija pastupajuć rabotnikam za vykazvańnie hramadzianskaj pazicyi, i asudzili sproby ŭładaŭ padzialić krainu na dva łahiery.
«My zajaŭlajem: my — adzin narod, jaki žadaje stabilnaści, zasnavanaj na zakonnaści i demakratyi, a nie na ŭzurpacyi ŭłady i pahardzie Kanstytucyjaj», — havaryłasia ŭ zvarocie.
