prosecutor.am
Hienprakuratura Armienija atrymała dokazy ŭdziełu tureckich vajskoŭcaŭ va ŭzbrojenym kanflikcie ŭ Nahornym Karabachu. Pra heta ŭ niadzielu paviedamiła pres-słužba viedamstva, piša RBK.
Jak havorycca ŭ paviedamleńni, Hienprakuratura zajmałasia papiarednim rasśledavańniem kryminalnaj spravy, zaviedzienaj pa fakcie raźviazvańnia Azierbajdžanam vajny ŭ Nahornym Karabachu.
«Była atrymanaja faktyčnaja infarmacyja ab tym, što z pačatku žniŭnia hetaha hoda ŭzbrojenyja siły Turcyi pravodzili masavyja bajavyja vučeńni z vajskoŭcami Azierbajdžana», — zajavili ŭ Hienprakuratury.
Treniroŭki vajskoŭcaŭ byli nakiravanyja na atrymańnie navykaŭ vajny ŭ hornych umovach. Jak paviedamlaje pres-słužba, u chodzie vučeńniaŭ «vajskoŭcy Turcyi zajavili, što ŭ najbližejšy čas varta nanieści ŭdar pa vajennych pazicyjach Arcacha».
Paśla hetaha, jak śćviardžajuć u Jerevanie, vajskoŭcy tureckaha śpiecnaza prymali niepasredny ŭdzieł u bajavych dziejańniach u rehijonie.