Ksiondz kanonik Juzaf Hańčyc, probašč parafii Śviatoj Siamji ŭ Lidzie, pamior tydzień tamu, 13 kastryčnika, u lidskaj balnicy z-za ŭskładnieńniaŭ, vyklikanych karanavirusnaj infiekcyjaj, paviedamlaje catholic.by.
Raźvitańnie ź im prajšło 16 kastryčnika. U kaściole, pabudavanym namahańniami dušpastyra, raźvitacca ź im sabralisia šmatlikija śviatary, manachini i vierniki. Uznačaliŭ raźvitalnyja abrady i pachavalnuju śviatuju imšu Hienieralny vikaryj Hrodzienskaj dyjacezii biskup Juzaf Stanieŭski, jaki vučyŭsia sa spačyłym na adnym kursie ŭ duchoŭnaj sieminaryi, razam ź im pryniaŭ śviatarskaje paśviačeńnie i viedaŭ jaho na praciahu 30 hadoŭ.
Taksama na raźvitańnie prybyli hienieralny vikaryj Minska-Mahiloŭskaj archidyjacezii biskup Juryj Kasabucki i biskupski vikaryj dla horada Mahilova i Mahiloŭskaj vobłaści biskup Alaksandr Jašeŭski. U pachavańni ŭziali ŭdzieł i pradstaŭniki pravasłaŭnaj carkvy ź Lidy.
grodnensis.by
