18:35
18:12
18:05
17:53
U zialonaj zonie la Čyžoŭskaha vadaschovišča siłaviki zatrymlivajuć demanstrantaŭ, jakija jašče nie paśpieli razyścisia pa damach paśla siońniašniaha maršu. Sam marš užo zaviaršyŭsia.
17:50
17:40
Minsk. Asnoŭnaja kałona dajšła da kanca praśpiekta Rakasoŭskaha i źviarnuła na Malinina ŭ bok Čyžoŭki. Ludzi pastupova razychodziacca.
17:30
17:29
Na skryžavańni Rakasoŭskaha i Vaśniacova vialikija hrupy ludziej sa ściahami. Ad skryžavańnia ŭ kirunku «Čyžoŭka-Areny» kałona demanstrantaŭ u niekalki tysiač čałaviek zaniała prajeznuju častku.
17:29
17:17
17:16
Novaja papularnaja kryčałka siońniašniaha maršu: «Smotri v okno, a nie v tielevizor». Siońnia časta hučać: «Zabastoŭka», «Pošieł von — ty i tvoj OMON».
17:06
Hałava kałony, jakaja rušyła ŭ Sierabranku, zaraz na Rakasoŭskaha la kramy «Paleśsie», chvost — la «Hipa», što na rahu z Vaniejeva.
17:04
16:54
Hałava kałony prypyniłasia la Uschodniaha aŭtavakzała na Vaniejeva i źviarnuła na Rakasoŭskaha ŭ bok Sierabranki.
Uzdoŭž Partyzanskaha praśpiekta ŭ roznych miescach ludzi stanoviacca sa ściahami ŭ žyvyja łancuhi, ich vitajuć aŭtamabilisty.
16:47
Siońnia čytačy Našaj Nivy zaŭvažyli ŭ časie maršu ŭ Minsku Maksa Karža z žonkaj Taćcianaj i synam Zacharam.
16:46
Nasuprać univiersama «Biełaruś» aŭtobusy siłavikoŭ stajali ščylnym šeraham na darozie. Kali da ich nabliziłasia kałona demanstrantaŭ, jakaja rušyła nazad u centr horada, siłaviki, adjazdžajučy, kidali ŭ bok pratestoŭcaŭ piratechničnyja pryłady, byli čutnyja vybuchi.
Kałona ŭžo dajšła pa Partyzanskim praśpiekcie da płoščy Vaniejeva i źviarnuła naleva, u bok MotaViełaZavoda.
16:29
16:26
Vialikaja kałona ludziej na Partyzanskim kala hatela «Turyst» i ŭniviermaha «Biełaruś» raźviarnułasia i rušyła u bok centra da płoščy Vaniejeva. Milicyja pasprabavała pieraharadzić darohu, ale pieradumała. Ludzi, što išli pa chodnikach nasustrač, dałučylisia da kałony i iduć nazad pa praśpiekcie.
16:22
Na rahu Partyzanskaha praśpiekta i vulicy Radyjalnaj šmat siłavikoŭ. Na vačach našych karespandentaŭ zatrymali ravarysta.
U rajonie asnoŭnaj kałony byli čutnyja čatyry streły.
16:08
Hałava kałony spyniłasia na Partyzanskim praśpiekcie la praduktovaha rynku «Tutejšy», nie dachodziačy da mietro «Aŭtazavodskaja». Darohu joj pieraharadziŭ kardon siłavikoŭ. Pačalisia zatrymańni.
Taksama chapun idzie la płoščy Vaniejeva, dzie spyniłasia kałona busaŭ siłavikoŭ.
16:04
15:56
15:37
Jašče adna vialikaja kałona z tysiač ludziej idzie pa Partyzanskim praśpiekcie, sprabujučy dahnać asnoŭnuju.
Tym časam nasuprać viełazavoda iduć zatrymańni. Kala 10 busaŭ jeździać pa praśpiekcie i pieryjadyčna chapajuć ludziej. Spynilisia kala doma №19 na Partyzanskim, zatym pajechali ŭ bok Červienskaha rynku
15:33
Zaraz da asnoŭnaj kałony dałučylisia barabanščyki, jakija stvarajuć nastroj.
Cichary chodziać pa padjezdach doma na Partyzanskim praśpiekcie, 19. Što šukajuć — nieviadoma.
15:32
Chapun na skryžavańni Partyzanskaha praśpiekta i vulicy Kašavoha, ludzi raźbiahajucca pa dvarach.
15:30
Pamiž pačatkam Partyzanskaha praśpiekta i MotaViełaZavodam natoŭpy ludziej iduć u bok Vaniejeva pa chodnikach. Kali na ich šlachu źjaŭlajucca milicejskija busiki, ich abychodziać dvarami. Hrupy ludziej sprabujuć dahnać asnoŭnuju kałonu.
Hałava kałony zaraz spyniłasia na płoščy Vaniejeva. Tam pierakryty praśpiekt, stajać siłaviki. Chvost kałony na rahu z vulicaj Kašavoha.
15:10
Hałava minskaj kałony padyšła da skryžavańnia z vulicaj Kašavoha. Tut da jaje dałučajucca kałony ź inšych rajonaŭ. Čas ad času hałava kałony spyniajecca, kab pačakać inšych. Šmat ludziej stałaha vieku. Šmat ściahoŭ rajonaŭ — Uručča, Sucharava, Sierabranka i inšyja. Žurnalisty adznačajuć, što mnohija ludzi ŭ maskach, kab zaścierahčysia ad karanavirusu
15:07
U Navahradku vyjšli niekalki dziasiatkaŭ čałaviek.
- Nas šmat, bolš za 50 čałaviek. A chvilin 10 tamu na płošču pryjechali čałaviek 50 milicyjantaŭ, načalnik skazaŭ im: «Biarom usich». Ludzi, chto paśpieŭ, raźbiehlisia, zatrymali piać čałaviek, — paviedamlaje čytač Tut.by.
14:59
Hałava kałony zaraz la kramy «Motavieła», chvost — daloka na vulicy Lenina. Karespandenty @nashaniva aceńvajuć kolkaść udzielnikaŭ u dziasiatki tysiač ludziej, demanstrantaŭ sapraŭdy mora.
Tut.by
15:01
Na placoŭcy pierad kinateatram «Biełaruś» u Breście pačalisia zatrymańni.
14:50
Pa Śviardłova ŭ bok Partyzanskaha praśpiekta niaspynna ruchajucca hrupy ludziej. Ruch pa praśpiekcie pierakryty ad samaha pačatku — Červieńskaha rynku. Na praśpiekcie Niezaležnaści ŭsie pavaroty ŭ bok Partyzanskaha kantralujuć siłaviki.
14:43
Kałona pratestoŭcaŭ zaniała prajeznuju častku la MotaViełaZavoda i skanduje «Zabastoŭka». Napierad na vulicy Kulašova siłavikoŭ stolki, što niby jany sabralisia na parad. Kolkaść demanstrantaŭ reparciory @nashaniva aceńvajuć u dziasiatki tysiač čałaviek.
14:40
14:36
Ludzi vyjšli na prajeznuju častku na Partyzanskim praśpiekcie ŭ rajonie byłoha kafe «Vavioračka» i ruchajucca pa joj u bok «Aŭtazavodskaj». Taksama niekalki sotniaŭ čałaviek, jakija sabralisia ŭ pačatku Partyzanskaha praśpiekta, pačali skandavać «Žyvie Biełaruś». Mnohija z tych, chto sabraŭsia — z BČB-ściahami.
14:33
Źjaŭlajecca infarmacyja ab prablemach i z chatnim internetam.
Ludzi kala stancyi mietro «Praletarskaja». Fota Tut.by
14:30
Pa Lenina, Pulichava, Smalenskaj na Partyzanski praśpiekt ściakajucca ručainki ludziej.
Tut.by
14:20
Na skryžavańni Partyzanskaha praśpiekta i vulicy Lenina ŭžo ŭtvaryłasia kałona z sotniaŭ ludziej z nacyjanalnymi ściahami. Adusiul na praśpiekt vychodziać dziasiatki i dziasiatki čałaviek. Karespandenty «Našaj Nivy» aceńvajuć ahulnuju kolkaść pratestoŭcaŭ zaraz u tysiaču čałaviek.
14:18
Ludzi nievialikimi hrupami ruchajucca pa vulicy Smalenskaj u bok Partyzanskaha praśpiekta. Mašyny sihnalać.
U Śvietłahorsku zatrymanyja vosiem čałaviek.
14:15
U Hrodnie žančyny z kvietkami hulajuć pa Savieckaj vulicy. Savieckaja płošča aharodžanaja i pustaja. U papiarednija vychodnyja zbor pratestoŭcaŭ pryznačali na płoščy, dzie išoŭ kirmaš.
14:08
Pieršyja zatrymańni la stancyi mietro «Partyzanskaja». Imavierna, zatrymlivajuć supracoŭniki HUBAZiKa, jany kinulisia praz darohu za maładymi ludźmi.
13:55
U Minsku znoŭ prablemy z mabilnym internetam.
13:25
Začynienyja stancyi mietro Płošča Lenina, Kastryčnickaja, Kupałaŭskaja, Niamiha, Pieršamajskaja i Praletarskaja. Pra heta paviedamlaje mietrapaliten.
13:05
«Uzdoŭž Partyzanskaha praśpiekta skancentravanyja vialikija hrupy siłavikoŭ», — paviedamlajuć šmatlikija čytačy.
12:45
U centr horada ad Minsk-areny jedzie kałona pad čyrvona-zialonymi ściahami.
12:20
Kastryčnickaja płošča pierakrytaja mietaličnymi aharodžami, uzdoŭž jakich dziažurać siłaviki. U mnohich na šlemach nalepki z aficyjnym ściaham.
Tut.by
Parkoŭka zboku ad Pałaca Respubliki abharodžana čyrvonaj stužkaj. Nie mienš 20-30 siłavikoŭ znachodziacca pad naviesam pałaca, niekatoryja adpačyvajuć na łaŭkach.
11:55
Tradycyjna ŭ centr Minska ściahvajecca śpiectechnika.
Handlova-zabaŭlalny centr «Halereja Minsk» na praśpiekcie Pieramožcaŭ siońnia začynieny. Raźmieščanyja pobač firmovaja krama «Kamunarka» i dyskont-centr «Ramonak» pa techničnych pryčynach nie pracujuć z 14.00 da 17.00.
