Fota Nadziei Bužan
«My, žančyny Biełarusi, źviartajemsia da suśvietnaj žanočaj supolnaści z zaklikam ab dapamozie. Žanočaja salidarnaść nie maje miežaŭ, i my budziem rady, kali žančyny ŭsiaho śvietu padtrymajuć našu inicyjatyvu ŭ baraćbie za svaje pravy i hodnaść!» — pišuć arhanizatarki.
Žanočyja maršy salidarnaści ź biełarusami projduć u Hiermanii, Šviejcaryi, Luksiemburhu, Narviehii, Estonii, Francyi, Šviecyi, Polščy, ZŠA, Kanadzie, Vienhryi, Bielhii, Brytanii, Novaj Ziełandyi, Danii, Litvie, Łatvii, Ispanii i na Kipry.
Pieršy žanočy marš prajšoŭ u Minsku 12 žniŭnia. Žančyny vyjšli na Kamaroŭku, pratestujučy suprać žorstkaści, ź jakoj dušylisia pratesty 9-11 žniŭnia. Dalej žančyny ładzili maršy ŭ stalicy kožnuju subotu, a kali łukašenkaŭcy stali aryštoŭvać i žančyn, pačali prosta špacyravać pa praśpiekcie z kvietkami ŭ toj samy čas, nie źbirajučysia ŭ kałonu.