Hałoŭny redaktar Maryna Zołatava
8 kastryčnika ŭ Ekanamičnym sudzie prajšło pasiadžeńnie pa pazovie Ministerstva infarmacyi ab pazbaŭleńni Tut.by statusu ŚMI. Dziejańnie hetaha statusu prypyniena viedamstvam na try miesiacy da 30 śniežnia.
Papiaredniaje pasiadžeńnie vioŭ sudździa Ivan Majsiejčyk. Pradstaŭnika pazoŭnika — Ministerstva infarmacyi — na pracesie nie było. Intaresy Tut.by pradstaŭlali hiendyrektar TAA «Tutbaj miedyja» Ludmiła Čekina i advakat Siarhiej Zikracki.
Nahadajem, što 18 vieraśnia Mininfarmacyi źviarnułasia ŭ sud z pazovam ab spynieńni vypusku sietkavaha vydańnia TUT.BY. 29 vieraśnia, redakcyja atrymała zahad ministra Ihara Łuckaha, što z 1 kastryčnika Tut.by časova pazbaŭlajecca statusu ŚMI.
Advakat Siarhiej Zikracki i hiendyrektar Ludmiła Čekina
Ludmiła Čekina
Tut.by padaŭ zajavu ŭ Viarchoŭny sud ab pryznańni niesapraŭdnymi troch z čatyroch piśmovych papiaredžańniaŭ ad Mininfarma. Mienavita hetyja papiaredžańni, na dumku viedamstva, mohuć stać padstavaj dla pazbaŭleńnia Tut.by statusu ŚMI.
Viarchoŭny sud zajavu pryniaŭ i razhledzić jaje 26 kastryčnika. Tamu ŭ Ekanamičnym sudzie vytvorčaść siońnia vyrašyli prypynić.
Tym nie mienš Tut.by praciahvaje pracavać jak internet-resurs.
