Pra heta zajaviła pres-sakratarka Ministerstva enierhietyki Volha Kazłovič, kamientujučy infarmacyju «Hazprama», piša «Interfaks».
«Biełaruś svoječasova i ŭ poŭnym abjomie vykonvaje svaje abaviazacielstvy pa tranzicie rasijskaha hazu ŭ Jeŭropu ŭ ramkach dziejučych dvuchbakovych pahadnieńniaŭ. Infarmacyja pra «niejkija ryzyki» i «mahčymyja zboi ŭ tranzicie» nie maje pad saboj nijakich padstaŭ», — skazała jana.
«Na žal, takoha rodu niehatyŭny prahnoz nie lepšym čynam adbivajecca na imidžy našaj krainy. U toj ža čas raźličvajem, što pradstaŭniki mižnarodnaj biznes-supolnaści zmohuć abjektyŭna acanić situacyju i zrabić vysnovy na asnovie kankretnych faktaŭ, a nie na nieabhruntavanych niehatyŭnych zdahadkach», — dadała pres-sakratarka.
Učora «Hazpram» u miemarandumie novaha vypusku jeŭraablihacyj u raździele «Faktary ryzyki» papiaredziŭ inviestaraŭ, što niavyznačanaść raźvićcia palityčnaj situacyi ŭ Biełarusi stvaraje, u tym liku, ryzyki dla tranzitu rasijskaha hazu ŭ Jeŭropu pa hazapravodzie «Jamał — Jeŭropa» (mahutnaść 33 młrd kub. m u hod).
