Siońnia ŭ Hrodnie padčas akcyi pratestu siłaviki zatrymali 13-hadovuju dziaŭčynku i raspylili joj u tvar piarcovy haz. Abstaviny žorstkaha zatrymańnia prakamientavaŭ Onliner.by načalnik adździaleńnia infarmacyi i hramadskich suviaziaŭ UUS Hrodzienskaha abłvykankama Jaŭhien Dudko.
— Baćka hetaj dziaŭčynki, znachodziačysia ŭ stanie ałkaholnaha apjanieńnia, akazaŭ niepadparadkavańnie supracoŭnikam milicyi. Vykazvaŭsia niecenzurnymi słovami. U hety čas było zroblena papiaredžańnie, ale mužčyna praciahvaŭ vieści siabie nieadekvatna, nachabna. Pobač stajała hetaja dziaŭčyna. Kali ŭ dačynieńni da mužčyny pačali ŭžyvać fizičnuju siłu, dziaŭčyna pačała ablivać supracoŭnika orhanaŭ z butelki z kołaj. Dziaŭčyna razam z baćkam była zatrymanaja i dastaŭlenaja ŭ RUUS, vyklikanaja maci. U dačynieńni da baćki dziaŭčynki i jaje samoj byŭ pačaty administracyjny praces. Baćka jaje ahledžany, na momant zatrymańnia jon byŭ u stanie ałkaholnaha apjanieńnia. Składzieny administracyjny pratakoł za niepadparadkavańnie supracoŭnikam orhanaŭ unutranych spraŭ. Pakul što heta ŭsia infarmacyja.
