Fiestyval musiŭ adbycca ŭ krasaviku, ale z-za pandemii byŭ pieraniesieny na vosień.
Arhanizatary pasprabavali zachavać papiaredniuju prahramu i dapoŭnić jaje novymi aktualnymi imprezami.
«Pradmova» — placoŭka dla kamunikacyi pamiž vydaŭcami, aŭtarami, redaktarami, ilustratarami, dyzajnierami i čytačami. Fiestyval prachodzić z 2018 hoda. Štohod u im biaruć udzieł najlepšyja biełaruskija i zamiežnyja litaratary, a prahrama składajecca ź dziesiatkaŭ raznastajnych imprez.
Naviednikaŭ festu čakaje nasyčanaja prahrama — sustrečy z zamiežnymi i biełaruskimi litaratarami, prezientacyi knih, dyskusii na temu fiłasofii, historyi i litaratury, uručeńnie premij, mastackija vystavy i knižny kirmaš.
Padrabiaznaja prahrama fiestyvalu budzie apublikavanaja na nastupnym tydni.
U fiestyvali voźmuć udzieł biełaruskija aŭtary: Valancin Akudovič, Alhierd Bacharevič, Ihar Babkoŭ, Maksim Žbankoŭ, Viktar Marcinovič, Hanna Sieviaryniec, Dźmitryj Strocaŭ, Jula Cimafiejeva, Artur Klinaŭ, Taćciana Zamiroŭskaja i inšyja. Taksama buduć i zamiežnyja hości: Januš Leon Višnieŭski (Polšča), Linor Haralik (Izrail-Rasija), Kanstancin Darašenka (Ukraina), Michaił Minakoŭ (Ukraina-Italija), Žarka Jovanoŭski (Sierbija), Barys Pasternak (Rasija).
Na fiestyvali buduć zabiaśpiečany epidemijałahičnyja normy: arhanizatary prosiać naviednikaŭ vykonvać masačny režym, padčas fiestyvalu možna budzie skarystacca dezinfiektaram, u załach budzie adpaviednaja dystancyjnaja rassadka.
Taksama u metach biaśpieki budzie dziejničać abaviazkovaja rehistracyja na mierapryjemstvy. Uvachod na knižny kirmaš volny.
