Orhany ŭnutranych spraŭ šukajuć złačyncu, jaki ŭčyniŭ 22 krasavika padpał siami leciščaŭ u Vałožynskim rajonie.
Pra heta BiełaPAN paviedamiŭ načalnik adździaleńnia infarmacyi i hramadskich suviaziaŭ UUS Minabłvykankama Alaksandr Šunkievič.
23 krasavika pa hetym fakcie AUS Vałožynskaha rajona była raspačata sprava pa č. 3 art. 218 Kryminalnaha kodeksa (naŭmysnaje paškodžańnie majomaści, jakoje ŭčyniena ahulnaniebiaśpiečnym sposabam i naniesła ŭron u asabliva bujnym pamiery).
Śledstvam ustanoŭlena,
što 22 krasavika kala 22 hadzin nieŭstanoŭlenaj asobaj z vykarystańniem naftapraduktaŭ byŭ učynieny padpał siami dačnych damoŭ, jakija znachodziacca na terytoryi dačna‑sadovaha tavarystva «Vytok‑Suviaź», što raźmiaščajecca pablizu vioski Turkaŭščyna.U vyniku pažaru ahniom całkam źniščana piać dačnych damoŭ i dva častkova paškodžany.
U pošukach złačyncy milicyja raźličvaje na dapamohu hramadzian. Orhany ŭnutranych spraŭ cikavić infarmacyja ad vidavočcaŭ zdareńnia, naprykład, tych, chto zdymaŭ pažar na fota‑ abo videaaparaturu.
0
0
0
0
0
0
