Ranicaj 1 kastryčnika zatrymali stvaralnika čata minskaha rajona Hrušaŭka — «Hrušvil» Dźmitryj Suchienka (Pan Źmicier). U jaho praviali pieratrus, kanfiskavali techniku, pavieźli ŭ Maskoŭski RUUS.
Pryčyny zatrymańnia nieviadomyja, u kanale źbirajuć hrošy na advakata. Čat byŭ stvorany daŭno, jašče da vybaraŭ, i «nie byŭ źviazany z palitykaj».
Advakat Anton Hašynski raspavioŭ Tut.by, što a 7-j hadzinie ranicy da Dźmitryja Suchienki, administratara čata «Hrušvil», ź pieratrusam pryjšli apieratyŭnyja supracoŭniki z Maskoŭskaha RUUS.
— Kanfiskoŭvali kampjutarnuju techniku, mabilnyja telefony. Paśla taho jak pieratrus byŭ praviedzieny, jaho zabrali i pavieźli ŭ Maskoŭskaje RUUS. Pieratrus prachodziŭ u miežach kryminalnaj spravy, jakoj — dakładna nieviadoma, — kaža Hašynski.
Advakat kaža, što jaho nie puskajuć da padabaronnaha. Apieratyŭny supracoŭnik, jaki pravodziŭ pieratrus, na zvanki nie adkazvaje. U dziažurnaj častcy paviedamlajuć, što Suchienku da ich nie dastaŭlali.
Pa słovach Hašynskaha, prablem z zakonam u Suchienki nie było.
Paśla 13:00 stała viadoma, što «Pan Źmicier» vyjšaŭ na svabodu. U jaho zabrali techniku ŭ miežach kryminalnaj spravy ab masavych biesparadkach. Ale ŭ samoha Źmitra niama pravavoha statusa — ni padazravany, ni abvinavačany.
