Infarmacyja pra toje, što supracoŭnik milicyi raspyliŭ ślozatačyvy haz, ad jakoha paciarpieli dzieci, niepraŭdzivaja. Pra heta, kamientujučy incydent u mikrarajonie Lebiadziny, jaki adbyŭsia 29 vieraśnia, zajavili ŭ HUUS Minharvykankama.
Pavodle viedamstva, supracoŭniki patrulna-pastavoj słužby milicyi na słužbovym aŭtatransparcie zabiaśpiečvali achovu hramadskaha paradku padčas niesankcyjanavanaha mierapryjemstva.
U niejki momant patrulny aŭtamabil abstupili mužčyny i žančyny, jakija pieraškadžali prajezdu. U natoŭpie taksama znachodzilisia žančyny ź dziećmi.
— Adzin z udzielnikaŭ niesankcyjanavanaha mierapryjemstva pierakryŭ ruch słužbovaha aŭtamabila, pry hetym vioŭ siabie zadzirliva: hučna kryčaŭ, sprabavaŭ adčynić dźviery mašyny. Dla spynieńnia supraćpraŭnych dziejańniaŭ u dačynieńni da jaho byŭ vykarystany admysłovy srodak — haz. Dzicia, jakomu vyklikali chutkuju miedycynskuju dapamohu, znachodziłasia ŭ niepasrednaj blizkaści ad aktyŭnych udzielnikaŭ, i my nie vyklučajem, što pary hazu mahli patrapić u jaho vočy, — rastłumačyli ŭ HUUS, adznačyŭšy, što małomu nie spatrebiłasia miedyčnaja dapamoha.
