Premjer Ihar Matavič i hałoŭny hihijenist Jan Mikas. Fota TASR
Urad Słavakii zaćvierdziŭ uviadzieńnie z 1 kastryčnika nadzvyčajnaha stanovišča ŭ krainie z-za pandemii karanavirusa terminam na 45 dzion, piša RBK.
Na čas dziejańnia režymu nadzvyčajnaha stanovišča buduć zabaronienyja ŭsie masavyja mierapryjemstvy. Vyklučeńni składuć cyrymonii šlubu, chryščeńnia, pachavańnia i schody pradstaŭnikoŭ ułady. Pry hetym uračystaści paśla šlubu buduć zabaronienyja, taksama moža być abmiežavana kolkaść haściej na cyrymonijach.
Punkty hramadskaha charčavańnia buduć pracavać z 6:00 da 22:00, akramia słužbaŭ dastaŭki i prodažy ježy navynas.
U kramach budzie abaviazkovaje zachavańnie dvuchmietrovaj dystancyi pamiž naviedvalnikami, taksama kolkaść košykaŭ, jakimi karystajucca pakupniki, budzie abmiežavana.
Usiaho z pačatku pandemii ŭ krainie vyjavili 10 141 chvoraha na COVID-19.
U siaredzinie sakavika Słavakija ŭžo ŭvodziła režym nadzvyčajnaha stanovišča. Dziakujučy hetamu kraina vielmi mała paciarpieła ad hetaj chvaroby. U Słavakii na hety momant ad kavidu pamierli ŭsiaho 48 čałaviek, tady jak u Biełarusi tolki za krasavik-červień śmiarotnaść pieravysiła ŭzrovień piaci papiarednich hadoŭ prykładna na 5500 čałaviek.
