Sudździa spyniła administracyjnuju spravu ŭ dačynieńni da Miedyja-Paleśsia za adsutnaściu składu administracyjnaha pravaparušeńnia, paviedamlaje vydańnie.
Suprać «Miedyja-Paleśsia» pačali administracyjnuju spravu za «pahrozu nacyjanalnaj biaśpiecy krainy» za publikacyju «Nastaŭnik Cichanoŭskaj:» heta jana za mužam, jak za dziekabrystam pajšła. Nie tolki charaktar, ale i luboŭ svaju prajaviła».
Zajavu ŭ milicyju napisała nastaŭnica Mikaševickaj SŠ №2, dzie vučyłasia Cichanoŭskaja, Ina Kucharava. Jana zapatrabavała abvierhnuć infarmacyju: Cichanoŭskuju nie vučyła, pra dziekabrystaŭ nie kazała. Karespandent sajta padčas pajezdki ŭ Mikaševičy pahutaryŭ z mnohimi ziemlakami Śviatłany Cichanoŭskaj. I skazanuju inšym nastaŭnikam frazu pamyłkova prypisaŭ Kucharavaj. Jon rychtavaŭ da publikacyi abviaržeńnie z vybačeńniami, ale Ina Kucharava paličyŭ za lepšaje zrabić heta z dapamohaj milicyi.
U sudzie Kucharava patłumačyła, što nie davała nie adpaviednuju rečaisnaści infarmacyju. A vykładzienaja infarmacyja nie hańbiła jaje honar, hodnaść abo dziełavuju reputacyju.
U pratakole ab administracyjnym pravaparušeńni značyłasia, što raspaŭsiudžvałasia inšaja, nie adpaviednaja rečaisnaści infarmacyja, jakaja nie hańbiła honar paciarpiełaj, biez ukazańnia na što była nakiravanaja infarmacyja, ci ŭtrymlivała zakliki da niezakonnych dziejańniaŭ, ci była zabaronienaja zakonam RB.
Sudździa pastanaviła spynić administracyjnuju spravu ŭ dačynieńni da Miedyja-Paleśsia za adsutnaściu składu administracyjnaha pravaparušeńnia.
