Žonka palitviaźnia Ihara Łosika raspaviała, u jakich umovach trymajuć jaje muža ŭ turmie ŭ Žodzinie. Darja Łosik upeŭnienaja, što Iharu śpiecyjalna stvarajuć nievynosnyja ŭmovy, kab złamić jaho i prymusić ahavaryć siabie i inšych ludziej.
Pa słovach žančyny, Iharu Łosiku «śviadoma stvarajuć niečałaviečyja ŭmovy»: pieravodziać z kamiery ŭ kamieru, pazbaŭlajuć listoŭ i presy, padsadzili sukamiernika ź piedykulozam, trymajuć u kamiery, raźmieščanaj u paŭpadvalnym pamiaškańni, dzie nielha zrabić navat paru krokaŭ.
— Kažučy ščyra i adkryta — dla majho muža i baćki našaj dački arhanizavali katoŭniu, źmiaściŭšy jaho va ŭmovy, mała adroznyja ad bydlačych.
Žančyna ŭpeŭnienaja, što ŭsim hetym jaje muža złamać nie atrymajecca i jon nie ahavoryć ni siabie, ni inšych ludziej.
