Vialikabrytanija ŭvodzić sankcyi suprać vaśmi pradstaŭnikoŭ biełaruskaha režymu, u tym liku Alaksandra Łukašenki, za parušeńni pravoŭ čałavieka ŭ Biełarusi.
Vialikabrytanija ŭviała znakavyja sankcyi ŭ dačynieńni da Alaksandra Łukašenki, jaho syna i vysokapastaŭlenych členaŭ biełaruskaha ŭradu ŭ ramkach novaha režymu sankcyj Vialikabrytanii ŭ halinie pravoŭ čałavieka, zajaviŭ siońnia ministr zamiežnych spraŭ. Sankcyi ŭviedzienyja ŭ ramkach skaardynavanaha z Kanadaj mižnarodnaha padychodu, nakiravanaha na achovu demakratyčnych kaštoŭnaściej i akazańnie cisku na tych, chto niasie adkaznaść za represii.
Režym Alaksandra Łukašenki adkazny za čaradu parušeńniaŭ pravoŭ čałavieka ŭ dačynieńni da apazicyjnych dziejačaŭ, ŚMI i narodu Biełarusi ŭ vyniku falsifikacyi vybaraŭ. Niahledziačy na šmatlikija zakliki mižnarodnaj supolnaści, jon admoviŭsia ad dyjałohu z apazicyjaj, zamiest hetaha padvoiŭšy svaje žorstkija represii.
Novyja sankcyi ŭklučajuć zabaronu na pajezdki i zamarožvańnie aktyvaŭ vaśmi pradstaŭnikoŭ biełaruskaha režymu, u tym liku Alaksandra Łukašenki, jaho syna Viktara Łukašenki i kiraŭnika Administracyi prezidenta Ihara Sierhiajenki. Anałahičnyja sankcyi byli ŭviedzienyja Kanadaj.
Niezaležny režym sankcyj u halinie pravoŭ čałavieka daje Vialikabrytanii prava na zabaronu ŭjezdu ŭ krainu asob, jakija majuć dačynieńnie da surjoznych parušeńniaŭ pravoŭ čałavieka, pieravodu hrošaj praz brytanskija banki ci na zdabyvańnie prybytku z našaj ekanomiki. Alaksandr Łukašenka — pieršy kiraŭnik krainy, u dačynieńni da jakoha byli ŭviedzienyja sankcyi ŭ ramkach režymu, pryniataha ŭ lipieni.
Hetyja sankcyi zasnavanyja na raniej zroblenych Vialikabrytanijaj krokach pa pryciahnieńni biełaruskich uładaŭ da adkaznaści i sadziejničańni mirnamu vychadu z hetaha kryzisu, što adlustroŭvaje volu biełaruskaha narodu. Hetyja kroki ŭklučajuć inicyjavańnie niezaležnaha rasśledavańnia pad ehidaj Arhanizacyi pa biaśpiecy i supracoŭnictvie ŭ Jeŭropie ŭ suviazi z dapuščanymi parušeńniami vybarčaha zakanadaŭstva i pravoŭ čałavieka. Vialikabrytanija taksama padvoiła finansavuju padtrymku pravaabarončych hrup, niezaležnych ŚMI i hrup miascovych aktyvistaŭ u Biełarusi da 1,5 młn. funtaŭ sterlinhaŭ na praciahu nastupnych dvuch hadoŭ.
Ministr zamiežnych spraŭ Dominik Raab zajaviŭ:
«Siońnia Vialikabrytanija i Kanada dali vyrazny sihnał, uvioŭšy sankcyi suprać žorstkaha i supraćpraŭnaha režymu Alaksandra Łukašenki. My nie prymajem vyniki hetych sfalsifikavanych vybaraŭ.
«My pryciahniem da adkaznaści vinavatych u bandytyźmie, razhornutym suprać biełaruskaha naroda, i budziem adstojvać našy kaštoŭnaści demakratyi i pravoŭ čałavieka.»
Sankcyi byli ŭviedzienyja ŭ adkaz na katavańni i žorstkaje abychodžańnie z sotniami mirnych demanstrantaŭ, jakija znachodzilisia pad vartaj paśla padtasoŭki vynikaŭ prezidenckich vybaraŭ. Biełaruskija ŭłady nie raspačali nijakich dziejańniaŭ dla pryciahnieńnia vinavatych da adkaznaści. Mnohija apazicyjnyja dziejačy byli aryštavanyja abo hvałtoŭna departavanyja, im było admoŭlena va ŭjeździe ŭ krainu, što źjaŭlajecca vidavočnym śviedčańniem pahardy Łukašenki da dyjałohu z apazicyjaj i asnoŭnych pravoŭ čałavieka.
Sankcyi Vialikabrytanii ŭklučajuć zabaronu na pajezdki i zamarožvańnie aktyvaŭ nastupnych asob:
1. Alaksandr Łukašenka (Prezident),
2. Viktar Łukašenka (syn i daradca Prezidenta Biełarusi pa nacyjanalnaj biaśpiecy),
3. Ihar Piatrovič Sierhijenka (kiraŭnik aparata Prezidenta Biełarusi),
4. Juryj Karajeŭ (ministr unutranych spraŭ, hienierał-major milicyi),
5. Alaksandr Barsukoŭ (namieśnik ministra ŭnutranych spraŭ, načalnik milicyi hramadskaj biaśpieki),
6. Juryj Nazaranka (namieśnik ministra ŭnutranych spraŭ, kamandujučy ŭnutranymi vojskami),
7. Chazałbiek Atabiekaŭ (namieśnik kamandujučaha ŭnutranymi vojskami MUS),
8. Dźmitryj Bałaba (kamandzir Minskaha atrada milicyi asablivaha pryznačeńnia, taksama viadomaha jak AMAP).
Z momantu ŭviadzieńnia režymu ŭ lipieni 2020 hoda jon ŭžyvajecca ŭžo druhi raz.
U lipieni ministr zamiežnych spraŭ abviaściŭ pra novyja sankcyi suprać 49 asob i arhanizacyj, jakija majuć dačynieńnie da najbolš sumna viadomych parušeńniaŭ i ŭščamleńnia pravoŭ čałavieka za apošnija hady, u tym liku 25 rasijskich hramadzian, jakija majuć dačynieńnie da žorstkaha abychodžańnia z aŭdytaram Siarhiejem Mahnickim i jaho śmierci, 20 hramadzian Saudaŭskaj Aravii, datyčnych da śmierci žurnalista Džamala Chašohi, dvuch vysokapastaŭlenych vajennych hienierałaŭ Mjanmy, datyčnych da sistematyčnaha i žorstkaha hvałtu ŭ dačynieńni da naroda rachindža, i dźviuch arhanizacyj, datyčnych da prymusovaj pracy, katavańniaŭ i zabojstvaŭ u paŭnočnakarejskich HUŁAHach.
Sankcyi ŭstupajuć u siłu nieadkładna.
