U intervju Svabodzie siabra Kaardynacyjnaj rady Pavieł Łatuška prakamientavaŭ sustreču prezidenta Francyi Emaniuela Makrona sa Śviatłanaj Cichanoŭskaj, raskazaŭ ab pracy nad «antykryzisnaj płatformaj» dla Biełarusi i daŭ acenku pačatku pieramovaŭ nakont «darožnych mapaŭ» pamiž Minskam i Maskvoju.
Pra sustrečy Makrona i Cichanoŭskaj
Francyja — siabra Rady Biaśpieki AAN i adna ź viadučych krain EZ. Sustreča Makrona i Cichanoŭskaj — važny syhnał hramadztvu i mižnarodnaj supolnaści.
Pieramovy pad ehidaj ABSE
Kaardynacyjnaja rada i Śviatłana Cichanoŭskaja prapanavali stvaryć pry vykarystańni ABSE hrupu ad hoc (datyčna hetaha kankretnaha vypadku. - RS), u jakuju ŭvajšli b Niamieččyna, Francyja, Rasieja, ZŠA i Aŭstryja, a taksama našym susiedziam — Litvie i Polščy.
Pra kantakty z Rasiejaj
Važna, kab da hetaha pracesu dałučyłasia Rasiejskaja Federacyja. Kantakty z Rasiejaj jość. I z palitykami, jakija adkazvajuć za pryniaćcie rašeńniaŭ, i z analityčnymi strukturami z RF.
Pra «darožnyja mapy» Biełarusi i Rasiei
Biez stvareńnia lehitymnaj ułady ŭ Biełarusi razmaŭlać pra zaklučeńnie mižnarodna-pravavych dakumentaŭ niemahčyma. Jany nia buduć mieć nijakich pravavych nastupstvaŭ. Heta pavinny razumieć i našyja rasiejskija partnery.
Pra «antykryzisnuju platformu»
Heta plan dziejańniaŭ. My nad im pracujem. Raspracoŭkaj hetaha dakumentu zajmajucca viadomyja ekanamisty, kanstytucyjanalisty, eksperty ŭ halinie vybarčaha prava i rehijanalnaha refarmavańnia. U pierachodny peryjad prahrama dapamoža zabiaśpiečyć funkcyjanavańnie dziaržavy biez chaosu.