Biełaruś i Rasija prasunulisia ŭ razumieńni pa pytańni cany na rasijski haz u 2021 hodzie, paviedamiŭ siońnia žurnalistam pasoł Biełarusi ŭ Rasii Uładzimir Siamaška na palach plenarnaha pasiadžeńnia VII Forumu rehijonaŭ Biełarusi i Rasii, piša BIEŁTA.
«Ja sustrakaŭsia 11-ha vieraśnia ź Mileram [staršynioj praŭleńnia «Hazprama» Alaksiejem Mileram] u Sankt-Pieciarburhu, my prasunulisia ŭ razumieńni. Niuansy nie budu kazać. Plonna papracavali, pahavaryli, znajšli ŭ hałoŭnych pytańniach kansiensus», — adznačyŭ Uładzimir Siamaška.
Pa jaho dumku, budzie paetapny ruch pa źnižeńni cany na rasijski haz dla Biełarusi. «Chutčej za ŭsio, niejki krok [pa źnižeńni cany] budzie ŭžo z 1 studzienia 2021 hoda. Rynak [ahulny rynak hazu ŭ Sajuznaj dziaržavie], dumaju, užo možna stvaryć z 1 studzienia 2022 hoda», — miarkuje pasoł.
Cana na rasijski haz u 2020 hodzie dla Biełarusi składaje $127 za 1 tysiaču kubamietraŭ.
