Tut.by
Rasparadžeńnie staršyni Bresckaha abłvykankama Anatola Lisa ab prypynieńni budaŭnictva akumulatarnaha zavoda pryznana straciŭšym siłu. Pra heta Tut.by paviedamiła infarmavanaja krynica, a paźniej paćvierdzili ŭ pres-słužbie «akumulatarnaha Aljansu».
Paśla skasavańnia rasparadžeńnia akumulatarny zavod zmoža prystupić da budaŭniča-mantažnych i puskanaładačnych rabot.
— Ab zapusku vytvorčaści pakul havorki nie idzie — udakładnili ŭ pres-słužbie kampanii.
Adpaviednaje rašeńnie kiraŭnik Bresckaha abłvykankama pryniaŭ 25 vieraśnia.
Nahadajem, z prośbaj admianić rasparadžeńnie ab prypynieńni budaŭnictva zavoda ŭ abłvykankam 25 žniŭnia źviarnułasia kiraŭnictva pradpryjemstva. Dyrektar «akumulatarnaha Aljansu» Dźmitryj Butaŭ arhumientavaŭ heta tym, što akumulatarny zavod atrymaŭ usie nieabchodnyja dazvoły: stanoŭčyja zaklučeńni dziaržaŭnaj ekałahičnaj i budaŭničaj ekśpiertyz, a taksama dazvoł na vykidy.
Raniej Alaksandr Łukašenka abiacaŭ bieraściejcam, što los zavoda vyrašyć miascovy refierendum. Adbudziecca jon ci nie niama, pakul nie jasna. U adkazie, jaki 21 vieraśnia atrymali ad abłasnych uładaŭ praciŭniki budaŭnictva akumulatarnaha zavoda, paviedamlałasia, što tema refierendumu «dalejšaha raźvićcia z boku inicyjatyŭnaj hrupy nie znajšła».
Pravaabaronca Raman Kiślak raspavioŭ Tut.by, što aktyvisty praciahvajuć pracu pa praviadzieńni miascovaha refierendumu. Na minułym tydni jany prystupili da farmavańnia inicyjatyŭnaj hrupy.
