Kiraŭnik Nahornaha Karabacha Araik Aruciunian uvioŭ na terytoryi niepryznanaj respubliki vajennaje stanovišča i abviaściŭ ŭsieahulnuju mabilizacyju. Videazvarot apublikavaŭ u Facebook jaho pres-sakratar Vahram Pahasian.
«Z-za situacyi, jakaja skłałasia, ja sklikaŭ pazačarhovaje pasiadžeńnie Nacyjanalnaha schodu i abviaściŭ vajennaje stanovišča i ŭsieahulnuju mabilizacyja asob, jakim bolš za 18 hadoŭ», — skazaŭ Aruciunian.
Ranicaj 27 vieraśnia na miažy Armienii i Azierbajdžana pačalisia bai. Baki abvinavacili adzin adnaho ŭ parušeńni režymu cišyni i paviedamili pra ŭžyvańnie ciažkaj techniki i artyleryi.
«Azierbajdžan pačaŭ napad na Nahorny Karabach, paviedamiŭ premjer-ministr Armienii Nikoł Pašynian.
«Situacyja znachodzicca ŭ apieratyŭnym raźvićci, infarmacyja budzie publikavacca pa miery nieabchodnaści», — adznačyŭ jon.
