Kafe i restaranam Minska dazvolili vykarystoŭvać Letnija terasy kruhły hod. Taki adkaz na tydni pryjšoŭ na zvarot Asacyjacyi restarataraŭ da haradskich uładaŭ, piša Tut.by.
Raniej u bolšaści vypadkaŭ letnija terasy pry restaranach i kafe treba było demantavać u kancy siezona. Ciapier Minharvykankam dazvoliŭ staličnym restarataram vykarystoŭvać hetyja placoŭki kruhły hod.
Dyzajn-prajekty teras na praśpiektach, płoščach i centralnych vulicach razhladaje Kamitet architektury i horadabudaŭnictva Minharvykankama, paznačana ŭ liście.
«Dla dazvołu kruhłahadovaha, u tym liku ŭ asieńnie-zimovy pieryjad, funkcyjanavańnia niestacyjanarnych abjektaŭ ŭzhadnieńnie kamiteta nie patrabujecca».
Minharvykankam i administracyi rajonaŭ Minska nie suprać pracy letnich teras kruhły hod. Ułady tak vyrašyli, «prymajučy pad uvahu ekanamičnaje i finansavaje stanovišča subjektaŭ hramadskaha charčavańnia, źviazanaje z raspaŭsiudžvańniem vostrych reśpiratornych infiekcyj, u tym liku vyklikanych COVID-19».
Hałoŭnaje — kab byli nieabchodnyja dakumienty i vykonvalisia sanitarnyja i supraćpažarnyja normy.
