Fota Alaksandra Karsakova, Tut.by
Dźmitryj Pinievič, v.a. ministra achovy zdaroŭja, u intervju telekanału «Biełaruś 1» raspavioŭ pra rost zachvorvańnia na COVID-19 u Biełarusi, piša Tut.by.
Dźmitryj Pinievič adznačyŭ rost zachvorvańnia na COVID-19 u ES, Rasii i Ukrainie i nazvaŭ jaho śledstvam tych žorstkich karancinnych zachadaŭ, jakija prymali krainy padčas pieršaj chvali karanavirusa.
— My taksama, na žal, pryrastajem, hety rost nosić charaktar pastupovy, ale taki — niaŭchilny. My jaho čakali. Kali było raniej krychu bolš za 200 vypadkaŭ zachvorvańnia ŭ sutki, to ŭ apošnija niekalki dzion my ŭžo bačym, hety rost staŭ vyšej za 300 — krychu bolš, čym 300. I na žal, zastajecca krychu mienš za 50% — heta horad Minsk.
Pryčyny, pa słovach Pinieviča, «lažać na pavierchni».
— Epidemičny praces — heta sacyjalnaje dystancyjavańnie. Ab jakim tatalnym upłyvie našych mier možna kazać pry tym, što ŭ tym ža Minsku my nazirajem siońnia, u subotu, što my nazirajem pa vychodnych dniach. Tatalnaja adsutnaść dystancyjavańnia — voś i ŭsia pryčyna.
