Ministerstva achovy zdaroŭja rekamienduje vykonvać praviły sacyjalnaha dystancyjavańnia na pieryjad uzdymu vostrych reśpiratornych infiekcyj, u tym liku infiekcyi COVID-19, paviedamlaje pres-słužba viedamstva.
«Uličvajučy, što siezon zachvorvańnia na vostryja reśpiratornyja infiekcyi ŭ našaj krainie pačynajecca štohod u vieraśni, Ministerstva achovy zdaroŭja rekamienduje nasielnictvu vykonvać praviły sacyjalnaha dystancyjavańnia jak adnu z asnoŭnych mier prafiłaktyki zaražeńnia virusnymi infiekcyjami», — adznačajecca ŭ paviedamleńni.
Pryncyp sacyjalnaha dystancyjavańnia zaklučajecca ŭ tym, što čałaviek arhanizuje svajo žyćcio takim čynam, kab skaracić na 75% kantakty za miežami doma i pracy i na 25% — na pracy. Kali ludzi prytrymlivajucca hetaha, paźbiahajučy hramadskich miescaŭ i ŭ pryncypie abmiažoŭvajučy svaje pieramiaščeńni, raspaŭsiudžvańnie infiekcyi zapavolvajecca, adbyvajecca strymlivańnie vybuchovaha rostu raspaŭsiudžvańnia virusa.
Minzdaroŭja rekamienduje minimizavać kolkaść kantaktaŭ ź inšymi ludźmi (za miežami doma), nie varta vychodzić z doma, kali ŭ hetym niama asablivaj patreby. Kantaktavać ź inšymi ludźmi lepš dystancyjna z dapamohaj srodkaŭ suviazi. Addalenaja praca, videazvanki i kanfierenc-suviaź vitajucca. Taksama možna vybirać pasłuhi dastaŭki — tolki da paroha kvatery (doma, ofisa).
Vychodziačy z doma ŭ situacyjach, kali heta nieabchodna, varta skaracić kantakty ź inšymi ludźmi i vykonvać 1,5-mietrovuju adlehłaść (sacyjalnuju dystancyju) adno ad adnaho. Kali heta niemahčyma, nieabchodna vykarystoŭvać masku. Važna jak maha čaściej myć ruki z myłam (kali niama takoj mahčymaści, varta vykarystoŭvać srodak dla dezinfiekcyi abo antysieptyčny srodak dla apracoŭki ruk). Važna vykonvać «reśpiratorny etykiet».
U Ministerstvie nahadali, što ŭ hrupie vysokaj ryzyki znachodziacca ludzi starejšaha i pažyłoha ŭzrostu, z chraničnymi zachvorvańniami. Akramia pieraličanych rekamiendacyj, im nie varta prymać nikoha ŭ siabie doma, za vyklučeńniem nieabchodnaści atrymać žyćciova važnyja pasłuhi.
