Da trochdzionnaha postu i ŭzmocnienaj malitvy dziela dobrych pieramien u hramadstvie i viartańnia miru ŭ Biełaruś zaklikaŭ pravasłaŭnych kiraŭnik BPC Vienijamin, Patryjaršy ekzarch usioj Biełarusi, vystupajučy 23 vieraśnia na pres-kanfierencyi «Zachavańnie kulturna-histaryčnaj spadčyny biełaruskaha naroda: adnaŭleńnie Naprastolnaha kryža Turaŭskaj jeparchii XII-XIII stst», piša church.by.
— Z usioj adkaznaściu kažu, uśviedamlajučy važnaść svaich słoŭ, što nichto jak Boh dapamoža. Zaklikaju ŭ paručycieli za maje słovy Maci Božuju i našych biełaruskich śviatych. Jany nas vučać, što zło možna pieraadoleć dabrom i zvarotam da Boha — skazaŭ pradstajaciel Biełaruskaj Carkvy.
Vykazaŭšy hłybokaje spadziavańnie na toje, što ŭ adkaz na malitvy narodu budzie vodhuk ź Nieba, Uładyka skazaŭ:
— Kali ž słovy maje buduć padmanlivymi, to chaj navat zavieršycca žyćcio majo!
Ale prašu vas adhuknucca na moj zaklik. Siła Sumlennaha i Žyvatvorčaha Kryža, nie pakiń nas hrešnych!
