Paśla sustrečy ź mitrapalitam Vienijaminam ihumieńnia Haŭryiła z Hrodna paprasiła prabačeńnia za pramovu 17 vieraśnia, u jakoj paraŭnała praciŭnikaŭ Łukašenki, prychilnikaŭ svabodnych vybaraŭ z «siektantami» i «varjatami».
Jana patłumačyła svaje emacyjnyja vykazvańni pieražyvańniami za los Radzimy i zaklikała ŭsich imknucca da miru, zhody i lubovi.
U minuły čaćvier na mierapryjemstvie, što prajšło ŭ «Minsk-Arenie» ihumńnia Haŭryiła skazała:
«My bačym natoŭp varjataŭ, jakich škada, za jakich chočacca malicca, pierad jakimi chočacca ŭstać na kaleni i prasić: «Spyniciesia!» I jakija pad aźviarełyja huki aŭtamabilnych kłaksonaŭ ź vieniesuelskich revalucyjnych scenaryjaŭ, u rukach i na plačach, i na hałavie, i navat, prašu prabačeńnia, na zadnim miescy, jakija prymacavali čužarodny, ale nibyta svoj nacyjanalny bieł-čyrvona-bieły ściah, jak raźjušany statak, lamantujuć na ŭvieś horad demanskija vykryki», — nahadvaje TUT.by.
