Hałoŭny trenier BATE Kirył Alšeŭski pakinuŭ svaju pasadu, paviedamlaje aficyjny sajt kłuba.
Kantrakt skasavany pa pahadnieńni bakoŭ. Alšeŭski ŭznačaliŭ barysaŭski kłub u studzieni i vyjhraŭ z BATE Kubak Biełarusi.
Pra toje, što BATE pryniaŭ rašeńnie rasstacca z hałoŭnym trenieram, 19 vieraśnia paviedamiŭ žurnalist Uładzisłaŭ Tatur. Ale infarmacyja nie kamientavałasia.
BATE vylecieŭ ź Lihi Jeŭropy ŭ startavym dla siabie raŭndzie kvalifikacyi, sastupiŭšy safijskamu CSKA (0:2).
Alaksandr Lisoŭski, fcbate.by
Zaraz BATE ŭznačaliŭ Alaksandr Lisoŭski. U kłubie jon pracuje z kastryčnika 2013 hoda (ź piacimiesiačnaj adłučkaj u «Smalavičy» ŭ 2018-m). Kłub zaznačaje, što jon byŭ važnym elemientam u štabach Alaksandra Jermakoviča i Alaksieja Bahi, unosiačy važki ŭkład u traplańnie «žoŭta-sinich» u hrupavyja raŭndy Lihi čempijonaŭ i 1/16 finału Lihi Jeŭropy, a taksama paśpiachovyja vystupleńni na ŭnutranaj arenie.
