Treciaja linija mietro («Zialonałužskaja») pačnie absłuhoŭvać pasažyraŭ u kancy kastryčnika. Takija płany ŭ intervju Minsk-navinam ahučyŭ hałoŭny inžynier elektramantažnaha ŭpraŭleńnia «Minskmietrabuda» Alaksandr Hałoŭčak.
«Mantaž usich inžyniernych sistem zavieršany, viaducca tolki puskanaładačnyja pracy», — skazaŭ jon
Pa słovach Alaksandra Hałoŭčaka, pieršapryčyna zrušeńnia terminaŭ uvodu ŭ ekspłuatacyju novych stancyj takaja:
- Mietrabudaŭniki adnačasova zdajuć piać bujnych abjektaŭ, jakija asnaščany supiersučasnymi inžyniernymi sistemami. Mantaž i puskanaładka patrabavali ŭpeŭnienaści ŭ ich biezdakornaj pracazdolnaści. Biaśpieka pasažyraŭ i absłuhoŭvajučaha piersanału padziemki pieradusim. Zbojaŭ u pastaŭcy abstalavańnia, aparatury i materyjałaŭ u elektramantažnaha kiravańnia nie było. Usio prachodziła pa zaćvierdžanych hrafikach i ŭ štatnym paradku.
Adna z samych adkaznych rabot — ustanoŭka na novych stancyjach achoŭnych ekranaŭ. Patrabavałasia vysokaja dakładnaść. Ale samaje składanaje — sinchranizavać ich pracu ź dźviaryma ciahnika, adznačyŭ Alaksandr Hałoŭčak.
