Pra heta paviedamiła vydaviectva «Januškievič» u sacyjalnych sietkach.
«Na žal, u nas fors-mažornyja abstaviny. Pry vyrabie nakładu dapuščana istotnaja palihrafičnaja pamyłka. Z techničnych pryčyn start prodažaŭ knihi Dž. K. Roŭlinh «Hary Poter i Tajemnaja zała» pieranosicca na paźniejšy termin», — havorycca ŭ abviestcy.
Pieršapačatkova start prodažaŭ druhoha ramana byŭ pryznačany na 26 vieraśnia (pieršaja kniha pa-biełarusku vyjšła hod tamu).
Na minułym tydni kniha «Hary Poter i Tajemnaja zała» ŭžo trapiła ŭ skandał. Pa słovach vydaŭca, jon atrymaŭ ad mytnych orhanaŭ patrabavańnie harantavać, što ŭ knizie niama zaklikaŭ da zrynańnia dziejučaj u Respublicy Biełaruś ułady. U Mytnym kamitecie abvierhli hetaje śćviardžeńnie.
Nakład «Hary Potera i tajemnaj zały» nadrukavany za miažoj.
