U Homieli 18 vieraśnia prajšło ŭračystaje adkryćcio fłahštoka za 1,5 miljona rubloŭ, choć 4,5 tysiačy žycharoŭ horada vystupili suprać budaŭnictva. Jaho byli prypynili, ale paśla vybaraŭ adnavili, pieradaje Radyjo Svaboda.
Ułady chavali infarmacyju pra zakazčyka budaŭnictva, nie vystaŭlali pašpart abjekta, ale pierakonvali, što budoŭla nie za biudžetnyja srodki.
Na adkryćci vystupiŭ i staršynia Homielskaha abłvykankama Hienadź Sałaviej:
«Pakul častka nasielnictva pasłuchmiana vykonvaje zahady zachodnich śpiecsłužbaŭ, układzienyja ŭ vusny małaletnich błohieraŭ, ščyryja patryjoty krainy praciahvajuć pracavać na karyść Radzimy».
«Dziaržaŭny ściah — častka našaj historyi. Pad našym ściaham Biełaruś 25 hadoŭ dynamična raźvivajecca <…> Luboŭ da Radzimy i luboŭ da ludziej — heta dźvie chutkija płyni, jakija źlivajucca i ŭtvarajuć mahutnuju raku patryjatyzmu». Sałaviej pastaviŭ pierad sabranymi zadaču «pierakanać tych našych suajčyńnikaŭ, jakija zabłukali».
