Maksim Znak. Fota Nadziei Bužan
Advakatu i siabru prezidyuma Kaardynacyjnaj rady Maksimu Znaku vystaŭlena abvinavačvańnie pa č. 3 art. 361 (Zakliki da dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś) Kryminalnaha kodeksa. U znak niazhody z abvinavačvańniami advakat abviaściŭ haładoŭku. Pra heta TUT.BY paviedamiŭ abaronca Znaka Dźmitryj Łajeŭski.
— Abvinavačvańnie ŭsio tak ža, jak i padazreńni, nie kankretyzavana, ź jaho nie jasna, jakija mienavita vykazvańni Maksima rasceńvajucca ŭ jakaści nakiravanych suprać nacyjanalnaj biaśpieki, i jano taksama ŭ vykazvańni mierkavańnia. U suviazi ź niezakonnaściu kryminalnaha pieraśledu i zaklučeńnia pad vartu advakat Maksim Znak 18 vieraśnia, z momantu pradjaŭleńnia abvinavačvańnia, aficyjna abviaściŭ admovu ad pryniaćcia ježy. Pra heta jon piśmova apaviaściŭ administracyju SIZA, — raspavioŭ Łajeŭski.
Pa słovach abaroncy, Maksim Znak pryjšoŭ da vysnovy, što ŭ Respublicy Biełaruś nie pracujuć pravavyja miechanizmy abarony pravoŭ i svabod asoby i va ŭmovach SIZA jon nie bačyć inšych sposabaŭ baraćby, «uličvajučy vidavočnaść absurdnaści taho, što adbyvajecca ŭ častcy abvinavačvańnia ŭ złačynstvie za svabodnaje vykazvańnie hramadzianami svajho mierkavańnia».
— Pa słovach Maksima Znaka, admova ad ježy źjaŭlajecca dla jaho va ŭmovach SIZA adnym ź niešmatlikich sposabaŭ baraćby suprać biezzakońnia i niespraviadlivaści ŭ krainie. Maksim nieadnarazova kazaŭ, što ŭ dziaržavie ŭsie ludzi pavinny kiravacca pravam. Jak rastłumačyŭ Maksim Znak, admova ad ježy zaklikanaja pierakanać kožnaha, asabliva pravaprymianialnikaŭ, uspomnić pra duchoŭnyja i maralnyja kaštoŭnaści, na jakich zasnavana prava, i nie razburać ich, — zajaviŭ Łajeŭski.
