Fota Nadziei Bužan
Takim čynam siabra prezidyuma Kaardynacyjnaj rady Pavieł Łatuška prakamientavaŭ słovy Alaksandra Łukašenki, jaki ŭ čaćvier na žanočym forumie zajaiŭ ab zakryćci miežaŭ ź Litvoj i Polščaj i ab uzmacnieńni kantrolu na miažy z Ukrainaj.
Takoje mierkavańnie Łatuška vykazaŭ u intervju telekanału «Dožd́», piša TASS.
«Faktyčna heta dziejańnie [zajava ab zakryćci miežaŭ] nakiravana na toje, kab pieratvaryć Biełaruś u Paŭnočnuju Kareju, — ličyć jon. — My, viadoma, nie viedajem jašče, jakim čynam heta budzie realizavana, ale ŭžo sam fakt padobnych zajaŭ demanstruje sapraŭdnyja namiery dziejučaj ułady».
Pa słovach Łatuški, «sihnałam» dla vysnoŭ ab padobnych namierach źjaŭlajucca dziejańni ŭładaŭ u dačynieńni da ŭdzielnikaŭ akcyj pratestu ŭ Biełarusi.
