12 vieraśnia dziasiatki rasijskich navukoŭcaŭ (u tym liku šeść akademikaŭ i piać členaŭ-karespandentaŭ Rasijskaj akademii navuk) padtrymali akcyi pratestaŭ u Biełarusi. Im u rezkaj maniery adkazaŭ prezidyum Nacyjanalnaj akademii navuk Biełarusi.
— Infarmujem vas, što zajava całkam pabudavana na niepraŭdzivych faktach, atrymanych z elektronnych ŚMI, jakija, jak viadoma, časta pakazvajuć źviestki zychodziačy sa svaich intaresaŭ — padnieści ŭsio adnabakova i «zrabić z muchi słana».
— U zajavie havorycca pra ździeki, — adznačajecca ŭ zajavie prezidyuma NAN. — Ale ci nie źjaŭlajecca ździekam ahresiŭnaje naviazvańnie voli małoj častki vializnaj bolšaści. Ci nie źjaŭlajecca hvałtam da svajho naroda tak zvanaja vuličnaja demakratyja, kali natoŭp, što dziejničaje pa mietadyčkach kalarovych revalucyj, čynić biezzakońnie, pravakuje dziejačaŭ pravaparadku i adkryta zaklikaje da inšych dziejańniaŭ, nakiravanych na źviaržeńnie zakonnaj ułady, źniščeńnie ekanomiki krainy i zaklikaje zachodnija krainy da dapamohi.
