Pra heta zajaviła ŭ čaćvier aficyjny pradstaŭnik MZS RF Maryja Zacharava, piša «Interfaks».
«Startavała praca pa realizacyi damoŭlenaściaŭ samitu ŭ Sočy, — heta tyčycca vydzialeńnia Biełarusi kredytavańnia ŭ pamiery 1,5 młrd dalaraŭ, Biełaruś stanie pieršaj krainaj, jakaja atrymaje rasijskuju vakcynu ad karanavirusa. U kanstruktyŭnym klučy buduć vyrašany pytańni pastavak rasijskich enierhanośbitaŭ, aktyvizavana rabota profilnych viedamstvaŭ pa adnaŭleńni transpartnych znosin pamiž našymi krainami, a taksama praca mižuradavaj kamisii i halinovych pradpryjemstvaŭ», — skazała jana ŭ chodzie bryfinhu.
Zacharava padkreśliła, što Rasija raźličvaje na bolš chutkuju narmalizacyju situacyi ŭ Biełarusi i viartańnie kanstytucyjnaha paradku.
«My ŭvažliva sočym za situacyjaj u hetaj krainie, zajavami pradstaŭnikoŭ apazicyi, jakija praciahvajucca mitynhami i pratesnymi akcyjami. My raźličvajem na bolš chutkuju narmalizacyju abstanoŭki i adnaŭleńnia kanstytucyjnaha paradku ŭ krainie», — skazała aficyjnaja pradstaŭnica MZS RF.
Jana padkreśliła niaźmiennaść rasijskaj pazicyi ŭ hetym pytańni ŭ padtrymku lehitymnaści Alaksandra Łukašenki.
