Piśmieńnik, žurnalist, krajaznaŭca z Maładziečna Uładzimir Sadoŭski pracuje inžynieram u Minsku. Razam z kalehami mužčyna nieadnarazova vychodziŭ na akcyi pratestu, piša Rehijanalnaja hazieta.
Pa słovach Uładzimira, jaho navat chacieli zvolnić, ale zastupilisia kalehi. Jany napisali kalektyŭny list kiraŭnictvu RUP «Biełenierhasiećprajekt», dzie patrabavali spynić zvalnieńni.
16 vieraśnia kiraŭnictvam pradpryjemstva padpisany zahad ab pryciahnieńni da adkaznaści šerahu rabotnikaŭ za toje, što 17 i 18 žniŭnia pa dadzienych elektronnaj sistemy ŭliku pracoŭnaha času, jany niesvoječasova viarnulisia z abiedziennaha pierapynku. U hetym śpisie jość i inžynier pieršaj katehoryi Uładzimir Sadoŭski.
Za nievykanańnie praviłaŭ pracoŭnaha ŭnutranaha rasparadku Uładzimira pazbavili stymulujučych vypłat i premii.
