Kiraŭnictva homielskaha KŽREUP «Centralnaje» paličyła kolkaść składzienych administracyjnych pratakołaŭ z pačatku hoda i pryjšło da vysnovy, što ich mienš u paraŭnańni z takim ža pieryjadam minułaha hoda. Namieśnik dyrektara pa ideałahičnaj pracy i ahulnych pytańniach pradpryjemstva Aleh Kraŭcevičus zapatrabavaŭ pryniać terminovyja miery pa zabieśpiačeńni vyjaŭleńnia dastatkovaj kolkaści pravaparušeńniaŭ. Adpaviedny list, adrasavany načalnikam ŽEU Centralnaha rajona Homiela, apublikavała «Homielskaja Viasna».
U dakumiencie havorycca, što ŭ minułym hodzie KŽREUP «Centralnym» było składziena 620 pratakołaŭ ab administracyjnych pravaparušeńniach. Kab dasiahnuć hetych pakazčykaŭ u hetym hodzie, nieabchodna składać jak minimum 15 pratakołaŭ na tydzień.