Ministr abarony Biełarusi Viktar Chrenin u chodzie sustrečy ŭ Minsku z rasijskim kaleham Siarhiejem Šajhu ŭ sieradu vykazaŭ padziaku vajenna-palityčnamu kiraŭnictvu RF za padtrymku, akazanuju ŭ składany pieryjad, paviedamlaje telehram-kanał Minabarony.
«Padčas pieramoŭ kiraŭnik biełaruskaha abaronnaha viedamstva padkreśliŭ važnaść ciesnaha ŭzajemadziejańnia dźviuch krain u vajennaj śfiery, asabliva ŭ składanaj vajenna-palityčnaj abstanoŭcy, a taksama vykazaŭ padziaku vajenna-palityčnamu kiraŭnictvu Rasijskaj Fiederacyi za padtrymku, akazanuju Respublicy Biełaruś u hety składany pieryjad», — havorycca ŭ paviedamleńni ŭ Telegram-kanale Minabarony Biełarusi.
Baki abmierkavali chod realizacyi płana supracoŭnictva pamiž Minabarony dźviuch krain, naprykład, praviadzieńnie pieršaha etapu vučeńnia «Słavianskaje braterstva-2020», jakoje prachodzić pad Brestam z 14 vieraśnia, a taksama hatoŭnaść da druhoha etapu hetych vučeńniaŭ u kancy vieraśnia.
Zaraz biełaruskija vajskoŭcy prybyli ŭ Astrachanskuju vobłaść na stratehičnyja kamandna-štabnyja vučeńni «Kaŭkaz-2020».
Akramia taho, z 12 pa 16 kastryčnika na terytoryi Biełarusi projduć kamandna-štabnyja vučeńni ź miratvorčymi siłami ADKB «Nieparušnaje braterstva-2020».
