Tak ličyć dyrektar Słužby źniešniaj raźviedki RF Siarhiej Naryškin. Tekst jaho zajavy pastupiŭ u TASS ad pres-biuro SVR.
«U padziejach u Biełarusi vyrazna prasočvajecca zachodni śled. Pratesnyja akcyi z samaha pačatku nosiać dobra arhanizavany charaktar i kaardynujucca z-za miažy», — zajaviŭ kiraŭnik SVR.
Naryškin zajaviŭ, što ZŠA ŭ 2019-2020 hadach nakiravali na padrychtoŭku antyŭradavych akcyj u Biełarusi $20 młn.
Jon padkreśliŭ, što na hetyja hrošy ažyćciaŭlałasia farmavańnie sietki niezaležnych błohieraŭ i infarmacyjnych akaŭntaŭ u sacyjalnych sietkach, padrychtoŭka aktyvistaŭ da praviadzieńnia vuličnych akcyj. «Najbolš pierśpiektyŭnyja ź ich prachodzili navučańnie za miažoj, u pryvatnaści ŭ Polščy, Litvie i Ukrainie, dzie ź imi zajmalisia vopytnyja amierykanskija instruktary pa niehvałtoŭnych pratestach», — zajaviŭ Naryškin.
«Heta ŭnutrany palityčny kryzis». Cichanoŭskaja adkazała dyrektaru Słužby źniešniaj raźviedki Rasii
