Ministerstva zamiežnych spraŭ Litvy sprościć vydaču nacyjanalnych viz biełaruskim hramadzianam, jany buduć vydavacca na paŭhoda i pry afarmleńni spatrebicca minimalny pakiet dakumientaŭ, piša Interfax.by.
Pavodle infarmacyi MZS, z 21 vieraśnia ŭ Litvie da biełarusaŭ buduć pradjaŭlacca takija ž umovy vydačy nacyjanalnych viz, jak da hramadzian Aŭstralii, Japonii, Złučanaha Karaleŭstva, Złučanych Štataŭ Amieryki, Kanady, Novaj Ziełandyi i Paŭdniovaj Karei.
Taksama biełarusy pavinny buduć pradstavić dokaz svajoj finansavaj zabiaśpiečanaści — srodki na try miesiacy, albo abaviazacielstva jurydyčnaj asoby pa zabieśpiačeńni takich srodkaŭ.
Miarkujecca, što sproščany vizavy režym budzie dziejničać da 21 sakavika 2021 hoda.
«Litoŭskaja dypłamatyčnaja słužba zdolnaja zabiaśpiečyć zładžany i chutki praces vydačy viz biez stvareńnia biurakratyčnych i administracyjnych pieraškod», — zajaviŭ kiraŭnik litoŭskaha MZS Linas Linkiavičus.
U svaju čarhu ministr unutranych spraŭ Litvy Ryta Tamašunienie paviedamiła, što dla paskareńnia pracedur vydačy viz Departamient mihracyi pačnie razhladać prośby vysokakvalifikavanych śpiecyjalistaŭ ź Biełarusi jašče da ich prybyćcia ŭ Litvu.
«U dadzieny momant samaje važnaje — zabiaśpiečyć zładžany praces realizacyi pracedur», — skazała Tamašunienie.
