Apostalskaja Stalica ŭklučyłasia ŭ spravu arcybiskupa Tadevuša Kandrusieviča, jakomu nie było dazvolena viarnucca ŭ Biełaruś i čyj pašpart byŭ pryznany niesapraŭdnym. Heta paćvierdziŭ u razmovie z žurnalistami Dziaržsakratar Papy Franciška kardynał Pjetra Paralin, piša catholic.by.
Kardynał dadaŭ, što hetamu słužyŭ taksama vizit u Minsk Sakratara pa adnosinach ź dziaržavami Dziaržsakrataryjata Śviatoha Pasadu arcybiskupa Poła Ryčarda Hałachiera. Kardynał jašče nie viedaje vynikaŭ hetaha vizitu.
«U lubym razie my nastojvajem na tym, kab biskup moh viarnucca ŭ svaju dyjaceziju i praciahvać kiravać svajoj pastvaj», — adznačyŭ kardynał Paralin. Adnačasova jon dadaŭ, što Kaścioł zaŭsiody pavinien być «faktaram dyjałohu, pajadnańnia i miru».
0
0
0
0
0
0
