Aficyjny pradstaŭnik MUS Bolha Čamadanava paviedamiła ŭ telehram-kanale, što ŭ niadzielu pa krainie prajšli 28 pratesnych akcyj, a ahulnaja kolkaść udzielnikaŭ nie pieravysiła 22 tysiač čałaviek.
U Minsku ŭ 16:30 kałona kolkaściu da 15 tysiač prajšła pa praśpiekcie Puškina, vulicy Arłoŭskaj i praśpiekcie Pieramožcaŭ, a zatym nakiravałasia ŭ mikrarajon «Drazdy». Sustreŭšysia z łancužkom ź liku supracoŭnikaŭ orhanaŭ unutranych spraŭ, pratestoŭcy prajšli ŭ zvarotnym kirunku. Paśla pradpryniatych mier pa razhrupavańni niesankcyjanavanaja akcyja zaviaršyłasia kala 20:00.
Usiaho ŭčora za parušeńnie zakanadaŭstva ab masavych mierapryjemstvach zatrymanyja 774 hramadzianiny (ź ich u Minsku — bolš za 500).
Da razhladu ŭ sudzie spraŭ pa administracyjnych pravaparušeńniach ŭ miescy ŭtrymańnia zatrymanych źmieščanyja 544 čałavieki.
