Tomaš Pietršyčak. Fota ČTK/Josef Vostárek
Ministr zamiežnych spraŭ Čechii Tomaš Pietršyčak zajaviŭ, što ciapierašniaja situacyja ŭ Biełarusi nosić pierałomny charaktar, bo jaje hramadzianie abudzilisia ad palityčnaj apatyi. Na praciahu pandemii karanavirusu Łukašenka pakazaŭ, što «straciŭ kantakt z realnaściu» i «nie razumieje, što adbyvajecca ŭ jaho krainie», padkreśliŭ ministr.
Pavodle Pietršyčaka, nieabchodna padtrymlivać hramadzianskija inicyjatyvy, a taksama carkvu i niezaležnyja prafsajuzy ŭ Biełarusi, kab akazvać cisk na Łukašenku. Takim čynam, možna prymusić jaho da pieramoŭ z pradstaŭnikami apazicyi i «praduchilić parušeńnie suvierenitetu i terytaryjalnaj cełasnaści» hetaj krainy, ličyć kiraŭnik češskaha MZS. Jaho cytujuć «RIA Novosti».
