Kaardynacyjnaja rada apublikavała hałoŭnyja tezisy paśla pasiadžeńnia asnoŭnaha składu.
Što z prezidyumam?
«Mnohich turbuje pytańnie, jak Rada budzie dziejničać biez prezidyuma. Adkazvajem: pavodle źmien u rehłamiencie ad 6.09.2020, u vypadku, kali ŭ siabraŭ prezidyuma niama mahčymaści prymać rašeńni, rašeńni ŭ Radzie prymajucca asnoŭnym składam Rady prostaj bolšaściu hałasoŭ. Takim čynam, dziejnaść KR praciahvajecca, i pryniaćcie rašeńniaŭ mahčyma. Sam skład prezidyuma zastajecca raniejšym».
Nad čym pracuje KR ciapier?
«Pryjarytety raboty zachoŭvajucca:
- spynieńnie hvałtu i pryciahnieńnie vinavatych da adkaznaści,
- vyzvaleńnie palityčnych źniavolenych,
- novyja sumlennyja vybary.
Taksama ŭ bližejšy čas my zapuścim novyja inicyjatyvy, jakija dapamohuć nam zrabić padtrymku biełarusaŭ bačnaj.
Akramia taho, u składzie Rady praciahvajuć dziejničać rabočyja hrupy. Na dadzieny momant ich šeść:
- słužba padtrymki rehijonaŭ,
- słužba padtrymki pracoŭnych kalektyvaŭ,
- praca z hramadzianskaj supolnaściu,
- fiemhrupa,
- hrupa pa rasśledavańni parušeńniaŭ pravoŭ čałavieka i hvałtu padčas mirnych demanstracyj,
- ekanamičnaja analityka».
Padrabiaznaści pra dziejnaść Kaardynacyjnaj rady vy možacie adšukać tut.
