Departamient finansavych rasśledavańniaŭ Kamiteta dziaržkantrolu Biełarusi raspačaŭ kryminalnuju spravu ŭ dačynieńni da pradstaŭnika Kaardynacyjnaha savieta Ivana Kraŭcova za kradziež, paviedamiŭ staršy inśpiektar pa asabliva važnych spravach DFR Arciom Duńko ŭ efiry telekanała STB u piatnicu.
Kradziažy, pavodle KDK, adbylisia ŭ toj čas, kali Kraŭcoŭ byŭ adnym z kiraŭnikoŭ TAA «Architekturnaje biuro 35» i paralelna — namieśnikam dyrektara AAT «Minski hadzińnikavy zavod».
Pavodle źviestak KDK, «škoda, pryčynienaja dziejańniami Kraŭcova i Zielankievič zavodu, składaje 400 tysiač rubloŭ».
Vykanaŭčy sakratar Kaardynacyjnaha savieta Ivan Kraŭcoŭ i pres-sakratar arhanizacyi Anton Radniankoŭ ciapier znachodziacca va Ukrainie, kudy jany pierabralisia ŭ pačatku hetaha tydnia.
