Premjer-ministr Polščy Mateuš Maraviecki zajaviŭ, što Vienhryja, Polšča, Słavakija i Čechija chočuć prapanavać biełaruskamu narodu prajekt ekanamičnaha supracoŭnictva, pieradaje TASS.
Vyšahradskaja hrupa (Vienhryja, Polšča, Słavakija, Čechija) na pazačarhovym samicie ES pradstavić pakiet padtrymki biełaruskaha naroda. Pra heta zajaviŭ u piatnicu premjer-ministr Polščy Matevuš Maraviecki na pres-kanfierencyi pa vynikach sustrečy ŭ Lublinie kiraŭnikoŭ uradaŭ «čaćviorki».
«Biełaruskamu narodu my chočam prapanavać prajekt ekanamičnaha supracoŭnictva», — skazaŭ jon, patłumačyŭšy, što havorka idzie ŭ tym liku ab enierhietyčnaj biaśpiecy, supracoŭnictvie ŭ infarmacyjnym i infrastrukturnym siektarach. «My chočam prapanavać biaźvizavaje pieramiaščeńnie dla hramadzian Biełarusi», — dadaŭ Maraviecki.
«Hety pakiet my chacieli b pradstavić padčas najbližejšaha samitu ES», — kanstatavaŭ jon.
Pa słovach Maravieckaha, premjery ŭzhadnili ahulnuju pazicyju pa situacyi ŭ Biełarusi. «My asudžajem usie represii, žorstkaje staŭleńnie da demanstrantaŭ i pratestoŭcaŭ. Zaklikajem nieadkładna vyzvalić palityčnych źniavolenych», — skazaŭ jon.
Pazačarhovy samit ES adbudziecca 24-25 vieraśnia. Jon sklikany dla abmierkavańnia ekanamičnych nastupstvaŭ pandemii i šlachoŭ ich pieraadoleńnia. Na abmierkavańnie taksama budzie vyniesieny šerah vostrych mižnarodnych pytańniaŭ, uklučajučy situacyju ŭ Biełarusi i kryzis u Mižziemnym mory pamiž Kipram i Hrecyjaj z adnaho boku, jakich padtrymlivaje ES, i Turcyjaj z druhoha.
