Prykładna a 16:30 u kvateru da byłoha žurnalista ANT Dźmitryja Siemčanki pryjšli supracoŭniki milicyi i zabrali mužčynu, hetuju infarmacyju «NN» paćvierdziła jahonaja žonka Julija.
«Byŭ adzin mužčyna nie ŭ formie, a taksama 2—3 čałavieki ŭ maskach. U nas doma maleńkaje dzicia, ale jany siabie pavodzili karektna, dzicia nie napałochali. Dali piać chvilin sabracca i pavieźli ŭ Frunzienski RUUS. Skazali, što buduć praviarać, ci ŭdzielničaŭ muž u niesankcyjanavanych akcyjach», — skazała «NN» Julija Siemčanka.
Dźmitryj Siemčanka da žniŭnia 2020 hoda pracavaŭ na telekanale ANT, byŭ u prezidenckim pule. Adnak paśla padziej 9—12 žniŭnia vyrašyŭ syści z telekanała.
«Maŭčać — značyć pamierci. Kali ja ŭbačyŭ, jak źniščajuć biełaruski narod — zrazumieŭ, što ŭžo nikoli nie zmahu maŭčać pra heta. Inakš budu žyvym trupam!» — napisaŭ jon u svaim instahramie.
