8 vieraśnia ŭ Minsku ludzi sabralisia na stychijny «Marš u padtrymku represavanych» u Biełarusi. Kala 18-j hadziny ludzi pačali źbiracca na placoŭcy kala Kamaroŭskaha rynku ŭ Minsku. Usio skončyłasia masavymi brutalnymi zatrymańniami.
Na Kamaroŭcy zatrymali kala 10 čałaviek — heta adbyłosia pierad pačatkam akcyi salidarnaści z Maryjaj Kaleśnikavaj, na jakuju sabralisia žychary horada. Zatrymańni vyklikali rezkuju reakcyju ludziej.
Žančyny na Kamaroŭcy abstupili nam. načalnika Savieckaha RUUS, žorstka krytykujuć za zatrymańni i pavodziny milicyi.
Kałona demanstrantaŭ z Kamaroŭki rušyła ŭ bok centra. Jany pratestujuć suprać vykradańnia Maryi Kaleśnikavaj i patrabujuć vyzvaleńnia palitviaźniaŭ.
Kolkaść demanstrantaŭ, jakija pratestujuć suprać vykradańnia Maryi Kaleśnikavaj, dasiahnuła bolš jak tysiačy čałaviek. Kałona idzie pa Kujbyšava.
Zatrymańni ŭdzielnic adbyvalisia ŭ nadzvyčaj brutalnaj formie.