Jeŭrasajuz padrychtavaŭ čorny śpis pradstaŭnikoŭ kiraŭnictva Biełarusi, u jaki ŭvojdzie 31 čałaviek, uklučajučy kiraŭnika MUS, piša Reuters.
«My pieršapačatkova padrychtavali śpis z 14 imionaŭ, adnak šerah krain paličyŭ, što hetaha niedastatkova, tamu my ŭzhadnili jašče 17 čałaviek», — zajaviŭ surazmoŭca ahienctva.
Reuters adznačaje, što samym vysokapastaŭlenym čynoŭnikam u hetym śpisie budzie kiraŭnik ministerstva ŭnutranych spraŭ Juryj Karajeŭ, a Alaksandr Łukašenka «ŭ hety śpis pakul nie ŭvojdzie». ES raspracoŭvaje sankcyi suprać pradstaŭnikoŭ kiraŭnictva krainy, jakich jon abvinavačvaje ŭ falsifikacyi vybaraŭ i padaŭleńni pratestaŭ.
Śpis pavinien być zaćvierdžany «prykładna ŭ siaredzinie vieraśnia». Ahienctva nie vyklučaje, što ŭ finalnuju redakcyju śpisu «mohuć być dadadzienyja abo ź jaje mohuć być vyklučanyja niekalki proźviščaŭ». Jano dapuskaje, što farmalna sankcyi mohuć być zaćvierdžanyja na čarhovym pasiadžeńni Rady ES na sustrečy kiraŭnikoŭ MZS 21 vieraśnia, adnak dla hetaha nieabchodna, kab śpis uchvalili Hrecyja i Kipr. Nikasija i Afiny da hetaha času admaŭlajucca zaćvierdzić sankcyi suprać Biełarusi, pakolki patrabujuć, kab krainy ES ŭviali novyja sankcyi suprać Turcyi pa hieołaharaźviedcy na sprečnym šelfie Mižziemnaha mora.
