Alaksandr Łukašenka pryniaŭ z dakładam staršyniu Śledčaha kamiteta Ivana Naskieviča, piša BiełTA.
Łukašenka paprasiŭ dałažyć, jakaja situacyja ŭ krainie z raskryćciom złačynstvaŭ, asablivuju ŭvahu jon źviarnuŭ na rasśledavańnie kryminalnych spraŭ, jakija mieli hramadski rezanans i zaraz znachodziacca na kantroli ŭ prezidenta.
«Pa-druhoje, (chavać niama čaho, jak toj kazaŭ, nie było b ščaścia, dy niaščaście dapamahło) palityčnyja prablemy i biazładzica, jakija ŭ nas adbyvajucca ŭ momant vybaraŭ i paślavybarčy pieryjad, vyjavili šerah niedachopaŭ, moža, niedapracovak u roznych sistemach kiravańnia, orhanach ułady.
Što pakazvajuć hetyja padziei z punktu hledžańnia Śledčaha kamiteta? Jakija ŭroki nam nieabchodna z hetaha atrymać?» — pacikaviŭsia Alaksandr Łukašenka.
Jak paviedamiŭ Ivan Naskievič, Śledčy kamitet u hetym hodzie «spakojna i płanamierna vykonvaje svaje zadačy pa pryznačeńni».
Pavodle jaho słoŭ, na fonie hramadska-palityčnych mierapryjemstvaŭ, epidemijałahičnaj situacyi ŭzrovień złačynnaści ŭ krainie źniziŭsia prykładna na 8% u paraŭnańni z papiarednim hodam.
«Adpaviedna, pamienšyłasia i nahruzka na Śledčy kamitet», — dadaŭ jon.
